Ukrayna üçün danışıqlarda prioritet güclü ordudur.

“Unian“ xəbər verir ki, bunu Çerniqov vilayətində icma rəhbərləri ilə görüş zamanı Ukrayna Prezidenti Volodimir Zelenski deyib.

Onun sözlərinə görə, bu, Ukraynanın “qırmızı xətti”dir. Ona görə də Silahlı Qüvvələrdə şəxsi heyət sayının azalmadsınan söhbət gedə bilməz.

Ukrayna lideri hazırda Rusiyanın işğalında olan bölgələrin həmin dövlətin ərazisi hesab olunmasını da ölkəsi üçün “qırmızı xətt” adlandırıb:

“Ədalətli sülh yalnız işğaldakı bölgələr geri qaytarıldıqda mümkün olacaq. Biz Ukraynanın ərazi bütövlüyünün bərpası üçün hər şeyi edəcəyik”.

Bununla yanaşı, Zelenski ölkəsinə veriləcək təhlükəsizlik təminatını da əsas məsələlərdən biri kimi dəyərləndirib.

Ukraynada atəşkəsə yaxın həftələr və ya aylar ərzində nail olmaq mümkündür

Ukraynada atəşkəsə yaxın həftələr və ya aylar ərzində nail olmaq mümkündür.

“Unian“ xəbər verir ki, bunu Ukrayna Prezidenti Volodimir Zelenski Çerniqov vilayətinə səfəri zamanı bildirib.

O deyib ki, lakin bu, hələ müharibənin bitməsi demək deyil.

Ukrayna liderinin sözlərinə görə, bir daha müharibənin qaynar fazasına qayıtmamağı təmin etməklə yanaşı, həm də real diplomatiyaya aparan yolu açacaq təminat lazımdır.

Zelenski qeyd edib ki, əgər atəşkəsin əvəzində Rusiyaya tətbiq olunan sanksiyalar ləğv edilsə, vəziyyət daha da çətinləşəcək.

“Biz hazırda yalnız atəşkəsdən danışırıq”, - Zelenski əlavə edib.

.