Vaşinqton üzərində sərnişin təyyarəsi ilə toqquşan “Black Hawk” hərbi helikopterinin ekipajı istiqamətini dəyişməli idi. O zaman faciənin qarşısını almaq olardı.

Yenizaman ABŞ KİV-lərinə istinadən xəbər verir ki, bu barədə ABŞ Prezidenti Donald Tramp “Truth” sosial şəbəkəsində yazıb.

O, hərbi helikopterdəkilərin aydın gecədə eniş üçün yaxınlaşan sərnişin təyyarəsini niyə görmədiyi və toqquşmanın qarşısını almadığı sualını qaldırıb.

"Təyyarə hava limanına gedən yolda ideal, normal trayektoriya ilə hərəkət edirdi. Helikopter uzun müddət təyyarəyə doğru uçurdu. Gecə aydın idi, təyyarənin işıqları parlaq yanırdı, niyə helikopter qalxmadı, enmədi və ya dönmədi? Nəyə görə nəzarət qülləsi helikopter ekipajına nə edəcəyini demədi, əvəzində təyyarəni görüb-görmədiklərini soruşdu? Bu, qarşısı alınmalı olan pis vəziyyətdir. Bu pisdir!", - o yazıb.

.