Rusiyanın xarici işlər naziri Sergey Lavrov dekabrın ortalarında Azərbaycana səfər edəcək.
Bunu bu gün keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova bildirib.
O deyib ki, S.Lavrov dekabrın 14-də Bakıda keçiriləcək Qara Dəniz İqtisadi Əməkdaşlıq Təşkilatı (QDİƏT) Xarici İşlər Nazirləri Şurasının iclasında iştirak edəcək.
M.Zaxarovanın sözlərinə görə, Bakıdakı iclas zamanı Azərbaycanın QDİƏT-dəki yarımillik sədrliyinin yekunları müzakirə ediləcək: "Həmçinin nəqliyyat, energetika, kənd təsərrüfatı, elm, texnologiya və səhiyyə kimi vacib sahə problemlərini özündə birləşdirən iqtisadi əməkdaşlıq sahəsindəki regional gündəliyin bir sıra məsələləri də nəzərdən keçiriləcək".
.
