İsrail əməliyyatın həyata keçirilməsi üçün İran ərazisində pilotsuz uçuş aparatlarının məxfi bazasını yaradıb.
Bu barədə İsrailin “Israel Hayom” nəşri xəbər yayıb.
Bildirilib ki, əməliyyata hazırlıq bir neçə il ərzində aparılıb və bu məqsədlə komandos qrupları, zərbə sistemləri, eləcə də bilavasitə İran ərazisindən buraxılan pilotsuz uçuş aparatları səfərbər edilib.
Nəşr həmçinin, bu əməliyyatın üç hissədən ibarət olduğunu yazıb:
“İlk mərhələdə Mossadın diversiya qrupları silah sistemlərini İranın zenit-raket komplekslərinin yaxınlığında yerləşdirib. Əməliyyat başlayan kimi İsrailə məxsus raket sistemləri hərbi aviasiya ilə paralel zərbələrin endirilməsinə başlayıb. Əməliyyatın ikinci hissəsində İranın hava hücumundan müdafiə sistemləri zərərsizləşdirilməli olub. Bu məqsədlə raketlər nəqliyyat vasitələrinin üzərində yerləşdirilib. Hücum zamanı onlar İranın hava hücumundan müdafiə sistemlərinə İsrailə məxsus 200 ədəd qırıcını vurmağa mane olub”.
“Israel Hayom” hərbi əməliyyatın üçüncü hissəsi barədə də fikirlərini bölüşüb:
“Bu mərhələdə İsrail ordusu İrana məxsus “Əsfəcabad” hərbi bazasında yerləşdirilən “yer-yer” tipli ballistik raket sistemlərinin buraxıldığı məntəqələri neytrallaşdırmalı olub. Bu məqsədlə bilavasitə İran ərazisindən buraxılan pilotsuz uçuş aparatlarından istifadə edilib.
Qəzet onu da yazıb ki, İsrail İran ərazisində gizli PUA bazası yaratmağa nail olub.
.
