"İstanbulda baş vermiş terror aktında yaralananlardan 12 nəfəri xarici ölkə vətəndaşıdır". " Türkiyə KİV-in verdiyi məlumata görə, bunu ölkənin səhiyyə naziriMehmet Müəzzinoğlu bildirib.
Onun sözlərinə görə, hadisə nəticəsində7-si ağır olmaqla,36 nəfər yaralanıb: "Yaralılardan 12-sixarici ölkə vətəndaşıdır. Yaralılardan4-nün vəziyyətiağır olduğundan,əməliyyat alınıb. Ölənlərdən 4-ü hadisə yerində, biri isəxəstəxanada həyatını itirib".
Qeyd edək ki, yaralılardan üçü İsrail vətəndaşıdır.
İstanbulun İstiqlal prospektində baş verən partlayış nəticəsində 4 nəfər ölüb.
****
YENIZAMAN.AZ -IN "milliyet.com.tr” saytına istinadən verdiyi məlumata görə, bunu İstanbul valisi Vasip Şahin açıqlayıb. O, partlayışı kamikadzenin törətdiyini, ölənlərdən birinin də məhz həmin terrorçu olduğunu bildirib. Yaralıların sayı 20 nəfərdir. Onlardan 3-nün durumu ağırdır.
Hadisə yerli vaxtla saat 10.55-də İstiqlal prospektindəki Balo sokak deyilən yerdə baş verib.
*** *** ***
Saat 13:31
Türkiyənin İstanbul şəhərinin mərkəzində - İstiqlal prospektində partlayış baş verib.
APA-nın NTV telekanalına istinadən verdiyi məlumata görə, ticarət mərkəzlərindən birinin qarşısında baş verən partlayış nəticəsində 2 nəfər ölüb,6 nəfər yaralanıb. Partlayışın səbəbi hələlik bəlli deyil.
Hadisədən sonra prospekt polis tərəfindən nəzarətə götürülüb, gediş-gəliş dayandırılıb.
Qeyd edək ki, Taksim meydanı yaxınlığında yerləşən məşhur İstiqlal caddəsi ticarət mərkəzləri, mağazalar və əyləncə məkanlarının olduğu, insanların piyada çox sıx hərəkət etdiyi yerdir. İstanbula gələn turistlər ən çox bu ərazidə olur.
Mənbə: CNN, DHA
Paylaş:
