Rüfət Məmmədov adına 269 saylı tam orta məktəbin ibtidai sinif müəllimi Məmmədli Nərgizin qalib olduğu Azərbaycan Respublikası Təhsil Nazirliyinin təhsildə inkişaf və innovasiyalar üzrə V qrant müsabiqəsi çərçivəsində fərdi kateqoriya üzrə Diskalkuliya - Hesablama Çətinliyi adlı layihəsinin icra planına uyğun olaraq ilk maarifləndirici təlim 260 saylı tam orta məktəbdə keçirildi.Təlimə məktəbin müəllimləri və valideynlər cəlb olunmuşdur.
Təlim başlamazdan öncə respublikamızın ərazi bütövlüyünün qorunması, bərpası və torpaqlarımızın işğaldan azad edilməsi uğrunda döyüşlərdə şəhidlik zirvəsinə ucalan Vətən övladlarının xatirəsinə bir dəqiqəlik sükut elan edilib.
Daha sonra Azərbaycan Respublikasının Dövlət himnini səsləndirilib.
Təlimdə çıxış edən layihə rəhbəri Nərgiz Məmmədli layihə təklifinin aktuallığı,layihənin məqsədi ,vəzifələri,görüləcək işlər və gözlənilən nəticələr barədə geniş məlumat verdi.Daha sonra müəllim və valideynlərə diaqnostik iş vərəqləri paylanıldı.
Layihənin təlimçisi Çinarə Məmmədova Diskalkuliyanın dövrumüzdə olan aktuallığı,əlamətləri,korreksiya yolları,valideyn və müəllim əməkdaşlığı barədə slaydlar vasitəsi ilə ətraflı məlumat verdi.
Psixoloq Zəhra Əhmədova Diskalkuliyanın psixoloji tərəfləri barədə müəllimlərə və valideynlərə ətraflı məlumat verdi.
Təlim zamanı iştirakçılarla geniş fikir mübadiləsi aparılıb, onların sualları cavablandırılıb.Daha sonra layihə çərçivəsində Nərgiz Məmmədli tərəfindən hazırlanmış " Diskalkuliya- Hesablama Çətinliyi "nin əyani vəsaiti təqdim edilib.
Təlimin sonunda isə iştirakçılar sertifikatla təltif olunublar.
