FIFA-nın versiyasına əsasən ilin ən yaxşı baş məşqçisi adına namizədlər bəlli olub.
Ali futbol qurumunun rəsmi sayt xəbər verir ki, bu ada İngiltərənin "Lids Yunayted" komandasından Marselo Byelsa, Almaniya "Bavariya"sından Hans Flik, İngiltərə "Liverpul"undan Yurgen Klopp, İspaniya "Sevilya"sından Xulen Lopetegi və İspaniya "Real Madrid"dən Zinəddin Zidan iddia edir.
Qeyd edək ki, "The Best" mükafatı dekabrın 17-də təqdim ediləcək. Tədbir onlayn formatda təşkil ediləcək. Səsvermə 25 noyabr - 9 dekabrda gerçəkləşəcək.
Ronaldu, Messi və Levandovski ən yaxşı futbolçu adına namizəd oldu
FIFA ilin yaxşı futbolçusu adına namizəd futbolçuların adlarını açıqlayıb.
Qurumun rəsmi saytı xəbər verir ki, bu ada İtaliya "Yuventus"undan Kriştianu Ronaldu, İspaniya "Barselona"sından Lionel Messi, Almaniya "Bavariya"sından Robert Levandovski, Fransa PSJ-sindən Neymarla Kilian Mbappe, İngiltərə "Liverpul"undan Tiaqo Alkantara, Məhəmməd Salah, Sadio Mane, Virgil Van Dayk, İspaniya "Real Madrid"indən Serxio Ramos və İngiltərə "Mançester Siti"sindən Kevin De Breyne iddia edir.
Qeyd edək ki, "The Best" mükafatı dekabrın 17-də təqdim ediləcək. Tədbir onlayn formatda təşkil ediləcək. Səsvermə 25 noyabr - 9 dekabrda gerçəkləşəcək.Dekabrın 11-də isə FIFA 3 finalçının adlarını açıqlayacaq.
2019-cu ilin ən yaxşı futbolçusu adını Lionel Messi qazanıb.
.
