Azərbaycan Xarici İşlər Naziri Ceyhun Bayramov Rusiyanın “RİA Novosti” agentliyinə müsahibə verib.
C.Bayramov Kollektiv Təhlükəsizlik Müqaviləsi Təşkilatının (KTMT) Qarabağdakı vəziyyətə cəlb edilməsi fikrini şərh edərkən, Bakının münaqişənin kontekstinin və ya onun zonasının genişləndirilməsini dəstəkləmədiyini qeyd edib.
“Ermənistan öz ərazilərindən münaqişə zonasından uzaqda yerləşən Azərbaycan şəhərlərini, yaşayış bölgələrini və əhalisini top atəşinə tutaraq, Azərbaycanı cavab atəşi açmağa və bununla da üçüncü dövlətləri münaqişəyə cəlb etməyə çalışır. Ermənistanın bu cür təxribatlarına cavab verməyəcəyimizi açıq şəkildə bildirdik. Bizim reaksiyamız Azərbaycanın işğal olunmuş ərazilərinin azad edilməsi şəklində döyüş meydanında olacaq”, - deyə Azərbaycanın XİN başçısı vurğulayıb.
Ceyhun Bayramov: “Ermənistan Qarabağ münaqişəsinin danışıqlar yolu ilə həll olunmasında maraqlı deyil”
Ermənistan Qarabağ münaqişəsinin danışıqlar yolu ilə həll olunmasında maraqlı deyil.
Azərbaycanın Xarici İşlər naziri Ceyhun Bayramov “RİA Novosti”yə verdiyi müsahibəsində belə deyib.
Onun sözlərinə görə, sentyabrın 27-dən etibarən Azərbaycan Silahlı Qüvvələrinin əks-hücum əməliyyatlarını uğurla həyata keçirməsinə və ərazilərini işğaldan azad etməsinə baxmayaraq, Bakı humanitar barışığa razılıq verdi.
“Oktyabrın 10-da Moskvada qəbul edilən ortaq bəyanat, sonra oktyabrın 18-də Fransanın vasitəçiliyi və daha sonra oktyabrın 24-də ABŞ-ın vasitəçiliyi ilə təsdiqləndi. Ermənistan təcili humanitar barışıqla bağlı bütün bu razılaşmaları kobud şəkildə pozdu. Aydındır ki, Ermənistan münaqişənin danışıqlar yolu ilə həll olunmasında maraqlı deyil. Ermənistanın baş naziri açıq şəkildə bəyan etdi ki, münaqişənin diplomatik həlli yoxdur”, - deyə C.Bayramov vurğulayıb.
.
