Avropa İttifaqı (Aİ) ölkələri Xorvatiyanın Şengen zonasına daxil olmasını təsdiqləyib.
Bu barədə Xorvatiyanın baş naziri Andrey Plenkoviç “Twitter“ paylaşımında qeyd edib. O, bildirib ki, ölkəsi 2023-cü il yanvarın 1-dən Şengen sazişinə qoşulacaq və bundan həm vətəndaşlar, həm də ölkə iqtisadiyyatı yararlanacaq. Qeyd edək ki, Şengen zonasına Aİ-nin 26 ölkəsi daxildir. Avropa Komissiyası noyabrın 16-da Bolqarıstan, Rumıniya və Xorvatiyanın Şengen zonasına qoşulmaq üçün hazır olduğunu bəyan edib və Aİ Şurasına bu qərarı təsdiq etməyi tövsiyə edib.
.
