ÜST-nin Baş direktoru Bakıya səfər edəcək.
Bu barədə ÜST-ün Azerbaycan nümayəndəliyindən xəbər verilib.
Bildirilib ki, Ümumdünya Səhiyyə Təşkilatının (ÜST) Baş Direktoru Dr. Tedros Adhanom Qebreyesus 12-13 mart tarixlərində Nizami Gəncəvi Beynəlxalq Mərkəzi tərəfindən təşkil olunan XII Qlobal Bakı Forumunda iştirak etmək üçün Bakıya səfər edəcək.
Dr. Tedros açılış mərasimində qlobal səhiyyə problemləri və beynəlxalq əməkdaşlığın vacibliyi ilə bağlı çıxış edərəkdir. Martın 13-də o, Çoxqütblü Dünyada Multilateralizmin Yenidən Düşünülməsi mövzusunda keçiriləcək yüksək səviyyəli panel müzakirəsinə qatılaraq qlobal səhiyyə idarəçiliyi ilə bağlı öz fikirlərini iştirakçılarla paylaşacaqdır.
Səfər çərçivəsində Dr. Tedrosun hökumət rəsmiləri ilə yüksək səviyyəli görüşlər keçirməsi də gözlənilir. Bu görüşlərdə ÜST-nin Azərbaycanda səhiyyə inkişafı və gücləndirməndirilməsi istiqamətində mümkün əməkdaşlıq yolları ilə bağlı fikir mübadiləsi aparılacaq.
.
