Bu gün səhər satlarında Türkiyənin müxtəlif şəhərlərində növbəti "paralel dövlət” əməliyyatları həyata keçirilib.
Virtualaz.org saytı Türkiyə mətbuatına istinadən xəbər verir ki, səhər saatlarından etibarən Kocaeli, İstanbul, Diyarbəkir, Ədirnə, Sivas, Bitlis, Gümüşhane və Ərdəhan şəhərlərində əməliyyatlar həyata keçirilib.
Əməliyyatlar zamanı aralarında polis rəislərinin də olduğu 17 nəfər saxlanılıb.
Qeyd edək ki, ötən il dekabr ayının 17-də Türkiyədə nazir oğullarının da aralarında olduğu şəxslər həbs edilmişdi. Türkiyə hökuməti bu həbslərin dövlət içinə sızan "Gülən camaatı” üzvləri tərəfindən həyata keçirildiyini iddia edirdi.
Bundan sonra Türkiyənin keçmiş baş naziri, indiki prezidenti Ərdoğan "Gülən camaatı”na qarşı "paralel dövlət” adı altında əməliyyatlara başlamışdı. Bu günədək "paralel dövlət” tərəfdarı olduğu deyilən xeyli polis və məmur həbs edilib.
.
