ABŞ Prezidenti Donald Tramp Rusiya Prezidenti Vladimir Putinlə telefon danışığı aparıb.
Bu barədə Tramp öz "Truth Social" hesabında məlumat verib.
Tramp bildirib ki, dünən Putinlə çox yaxşı və məhsuldar müzakirələr aparıb.
“Ukraynadakı dəhşətli, qanlı müharibənin sona çatması üçün yaxşı bir şans var”, - Ağ Ev rəhbəri qeyd edib.
Tramp Putindən mühasirəyə alınan Ukrayna hərbçilərini bağışlamasını istəyib
Minlərlə ukraynalı əsgər Rusiya qüvvələri tərəfindən mühasirəyə alınıb və onlar həssas vəziyyətdədir.
Bu barədə ABŞ Prezidenti Donald Tramp Rusiya lideri Vladimir Putinlə telefon danışığı zamanı bildirib.
O, Putindən mühasirəyə alınan Ukrayna hərbçilərini bağışlamasını istədiyini bildirib: “İndi minlərlə Ukrayna əsgəri Rusiyanın mühasirəsindədir. Mən Prezident Putindən onların həyatlarına rəhm olunmasını ciddi şəkildə xahiş etmişəm. Bu İkinci Dünya Müharibəsindən bəri görülməmiş dəhşətli bir qırğın olardı. Tanrı hamısını qorusun”.
.
