ABŞ administrasiyası İranın dolayı nüvə danışıqları təklifini ciddi şəkildə nəzərdən keçirir.
Bu barədə iki ABŞ rəsmisi “Axios”a bildirib.
Məlumata görə, Ağ Ev həm diplomatik, həm də çəkindirici təzyiqi saxlamaq üçün regionda hərbi qüvvələrini artırmaqda davam edir. Eyni zamanda, Prezident Donald Trampın hərbi zərbələrə üstünlük verməsi halında Yaxın Şərqdəki ABŞ qüvvələrinin əhəmiyyətli dərəcədə gücləndirildiyi bildirilir.
ABŞ rəsmilərindən biri qeyd edib ki, administrasiya birbaşa danışıqların daha uğurlu ola biləcəyini düşünür. Lakin İranın təklif etdiyi dolayı format da istisna edilmir və Oman Sultanlığının vasitəçi qismində iştirakına etiraz edilmir.
Hər iki rəsmi hələlik heç bir yekun qərarın qəbul edilmədiyini və mövzu ətrafında daxili müzakirələrin davam etdiyini vurğulayıb:
“Məktub mübadiləsindən sonra biz indi İranla danışıqlara və qarşılıqlı etimadın yaradılmasına başlamaq üçün növbəti addımları araşdırırıq”, – məlumatda bildirilir.
.
