İngiltərənin "Çelsi" klubunun baş məşqçisi Tomas Tuxel UEFA Çempionlar Liqasında yeni rekorda imza atıb.

"OptaFranz" nəşri xəbər verir ki, 49 yaşlı mütəxəssis buna Fransada "Lill"i 2:1 hesabı ilə məğlub etdikləri görüşdə nail olub.

Almaniyalı baş məşqçi qitənin bir nömrəli klub turnirində keçirdiyi 50 oyunda 32 qələbə qazanıb. Tuxel bu göstəriciyə görə 50 qarşılaşmada 31 qələbə əldə etmiş İspaniya "Real Madrid"inin sabiq baş məşqçisi Zinəddin Zidanı qabaqlayıb.

Qeyd edək ki, Londondakı matçda eyni hesabla qələbə qazanan "zadəganlar" 1/4 finala yüksəlib.

.