İspaniyanın "Sevilya" komandası XXI əsrdə avrokubokların finalına ən çox vəsiqə qazanan komanda olub.
"Time24.News" xəbər verir ki, əndəlusiyalılar buna Avropa Liqasının yarımfinalında İngiltərə "Mançester Yunayted"ini 2:1 hesabı ilə məğlub etdikləri görüşdə yiyələnib.
"Sevilya" 2006 - 2016-cı illərdə beş dəfə Avropa Liqasının, eyni sayda UEFA Super Kubokunun finalında oynayıb.
Komanda bunadək 2002, 2014, 2016, 2017 və 2018-cı illərdə UEFA Çempionlar Liqasını qazanan "Real Madrid"lə eyni pilləni bölüşüb. Madrid təmsilçisi həmin illərdə UEFA Super Kubokunda da mübariazə aparıb.
2000/2001 mövsümündən bəri İngiltərə "Liverpul"u qitə finallarında iştirak edən üçüncü klubdur. Mersisayd təmsilçisi 4 dəfə Çempionlar Liqasının, iki dəfə Avropa Liqasının, 3 dəfə isə UEFA Super Kubokunun finalında oynayıb.
İspaniyanın iki klubu - "Barselona" və "Atletiko" avrokuboklarda hərəyə 8 dəfə finalda çıxış ediblər.
Qeyd edək ki, "Sevilya" avqustun 21-də Avropa Liqasının finalında "İnter" (İtaliya) - "Şaxtyor" (Ukrayna) cütünün qalibi ilə üz-üzə gələcək.
.
