"Fitch Solutions" konsaltinq şirkəti Rusiyada qızıl istehsalının növbəti 10 il ərzində artacağını gözləyir, bunun nəticəsində 2029-cu ilə qədər ölkənin dünyanın ən böyük qızıl istehsalçısı ola biləcəyi bildirilir.
Bu barədə şirkətin hazırladığı hesabatda deyilir.
"Rusiyada qızıl istehsalının 2020-ci ildə 11,3 mln. unsiyadan 2029-cu ildə 15,5 mln. unsiyayadək artacağını proqnozlaşdırırıq. Bu, 2020-2029-cu illərdə orta illik artım tempinin 3,7% səviyyəsində olması deməkdir. Bu, ona gətirib çıxaracaq ki, Rusiya dünyanın ən böyük qızıl istehsalçısı olan Çini geridə qoyacaq. 2029-cu ilədək dünya istehsalının 11,6%-i Rusiyanın payına düşəcəyi gözlənilir. Bu il bu göstərici 10,6% təşkil edəcək", - hesabatda deyilir.
