Qazaxıstanda radikal qruplaşmanın üzvü özünü partladıb.
Strateq.az bildirir ki, bu barədə Qazaxıstan Dövlət Təhlükəsizliyi Komitəsindən bildiriblər.
Məlumata görə, 26 iyun tarixində Karaqanda vilayətində radikal qruplaşmaya qarşı əməliyyat keçirilib. Qrup terror aktı həyata keçirməyi planlaşdırıb. Terrorçu qrupun olduğu yer iyunun 26-da Balxaş şəhərində və Qulşat yaşayış məskənində müəyyən edilib.
"Qulşatda həyata keçirilən əməliyyat zamanı terrorçulardan biri özünü partladıb. O, aldığı yaralardan ölüb. Dəstənin digər üzvləri həbs edilib. Onlardan partlayıcı qurğular, odlu silah götürülüb. İşlə bağlı istintaq aparılır”, – deyə DTK-dan bildiriblər.
Xatırladaq ki, iyunun 5-də də bir qrup radikal qrup silah mağazasına və hərbi hissəyə basqın edib. Rəsmi Astana bəyan edib ki, terrorçular İŞİD lideri Muhəmməd Adnaninin əmrini yerinə yetiriblər.
.
