Qazaxıstan hakimiyyəti hibrid terror hücumuna məruz qaldığını bəyan edib.

Bu barədə Qazaxıstanın dövlət katibi Erlan Karin “Xabar24” telekanalının efirində bildirib.

Onun sözlərinə görə, ehtimal olunur ki, bu hücumların mümkün məqsədi dövlət çevrilişi olub: “Düşünürəm ki, biz son məqsədi ümumi destabillik və mümkün dövlət çevrilişinin həyat keçirilməsi olan hibrid terror hücumu ilə üzləşmişik”.

E. Karin qeyd edib ki, bu terror aktlarının arxasında kimin dayandığı barədə suala xüsusi xidmət orqanları cavab verəcək.

“İş ondadır ki, ekspertlər bu hadisələri müxtəlif cür qiymətləndirir, bəziləri rəngli, məxməri inqilablarla müqayisə edir. Lakin düşünürəm ki, Qazaxıstana münasibətdə bu inqilablar az effektli olardı. Çünki bizim ölkəmizdə şərtlər fərqlidir. Hakimiyyətin mövqeyi qətiyyətlidir, eləcə də digər məqamlar rəngli inqilabların klassik variantlarını reallaşdırmağa imkan verməzdi”, - deyə Qazaxıstan dövlət katibi vurğulayıb.

Onun sözlərinə görə, burada söhbət daxili və xarici qüvvələrin hansısa qəsdindən gedə bilər: “Belə ki, Qazaxıstan vətəndaşları ilə yanaşı, əcnəbilər də terror qruplarının hücumlarının əsas iştirakçısı qismində çıxış ediblər”.

.