Bakıda ölümlə nəticələnən yol qəzası törədən sürücünün "Qarabağ” futbol klubunun oyunçusu olduğu müəyyənləşib.
APA-nın əldə etdiyi məlumata görə, "BMW X5” markalı, 90 OH 111 dövlət nömrə nişanlı avtomobili idarə edən Emil Balayev "Qarabağ” futbol klubunun qapıçısıdır.
***
09:40
Bakıda bir ailənin bütün üzvlərini avtomobil vurub.
"Report"un xəbərinə görə, hadisə Suraxanı rayonu Əmircan qəsəbəsində qeydə alınıb.
Belə ki, yolu keçmək istəyən Bağırov Əbdulbağır Zərbi oğlu, Bağırova Günel Məzahir qızı və onun qucağındakı övladı 6 aylıq Bağırov Xalid Əbdulbağır oğlunu naməlum avtomobil vuraraq ərazidən uzaqlaşıb.
Onların üçü də xəstəxanaya çatdırılıb. Ə.Bağırov və G.Bağırova xəstəxanın reanimasiya şöbəsinə yerləşdirilib. X.Bağırovun isə hadisə yerində öldüyü müəyyən edilib.
Faktla bağlı Suraxanı Rayon Prokurloğunda cinayət işi başlanılıb.
Bakı Post
.
