![](/uploads/img/posts/2023/08/31/6jpeg-1693469729.jpeg)
Azərbaycan yolları açaraq reinteqrasiya prosesini başlatmaq niyyətindədir.
Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ağdam-Xankəndi yolunda AzQAC-ın humanitar yükünün yerləşdiyi məntəqədə jurnalistlərə açıqlaması zamanı deyib.
“Bu prosesin tərkib hissəsi olaraq, Azərbaycan Qarabağda yaşayan erməni sakinlərin hüquqlarını, təhlükəsizliyini və öhdəliklərini Azərbaycan Konstitusiyası və Azərbaycanın tərəfdar çıxdığı beynəlxalq sənədlər əsasında təmin etməyə hazırdır. Amma görürük ki, yol mövzusunu məqsədyönlü şəkildə erməni tərəfi siyasi spekulyasiya və siyasi manipulyasiya mövzusuna çeviriblər”, - o əlavə edib.
Hikmət Hacıyev: Yüklərin Xankəndiyə çatdırılması üçün Rusiya sülhməramlıları ilə təmaslar aparılıb
Dünən Rusiya sülhməramlıları ilə Azərbaycan tərəfi arasında təmaslar aparılıb. Bu yüklərin Rusiya sülhməramlılarının yük maşınlarına daşınaraq onların vasitəsilə aparılması məsələsi də müzakirə mövzusu olub.
Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ağdam-Xankəndi yolunda AzQAC-ın humanitar yükünün yerləşdiyi məntəqədə jurnalistlərə açıqlaması zamanı deyib.
“Amma dünən KİV-lərdə gedən məlumatlar və sosial media şəbəkələrində yayılan videolar da göstərdi ki, bəzi təşkil olunmuş aksiyalar vasitəsilə buna da mane olmağa cəhd göstərirlər. Bu yüklərin bura çatdırılması bir daha Azərbaycanın niyyətinin göstəricisidir. Amma yüklərin qəbul edilməməsi və bundan imtina edilməsinə görə də məsuliyyət tam şəkildə qondarma rejimin üzərinə düşür və bu eyni zamanda Ermənistan tərəfinin üzərinə düşür ki, onlar da bu manipulyativ prosesdə öz müəyyən funksiyalarını, rollarını oynamaqda davam edirlər, - o deyib.
Prezidentin köməkçisinin sözlərinə görə, beynəlxalq ictimaiyyətin nümayəndələri də, Azərbaycanda akreditasiya olunmuş diplomatik korpus nümayəndələri də öz gözləri ilə bir daha görürlər ki, burada yalançı təbliğat siyasəti aparılır
“Təəssüflər olsun ki, bəzi Qərb medialarında da yalan faktlar verilir, mövcud vəziyyətə başqa bir don geyindirmək cəhdləri də edilir. Bu prosesdə bəzi korrupsioner Qərb siyasətçiləri öz rollarını oynamaqdadırlar və onlar tərəfindən separatizmə dəstək verilməsi, separatistlərin də yaxşı və pis separatistlərə bölünməsi tendensiyalarını da biz görürük ki, bunlar qəbuledilməzdir”, - Hikmət Hacıyev əlavə edib.
Prezidentin köməkçisi: Ucuz şou xarakterli addımlardansa real məsələləri yerində həll etmək lazımdır
Ermənistan Azərbaycanla razılaşdırılmadan demonstrasiya və populizm məqsədilə müxtəlif yük maşınlarını Azərbaycanın sərhədinə, yəni Laçın sərhəd-keçid məntəqəsinə gətirmişdir.
Bunu Azərbaycan Prezidentinin köməkçisi Hikmət Hacıyev Ağdam-Xankəndi yolunda AzQAC-ın ərzaq yükünün yerləşdiyi məntəqədə jurnalistlərə açıqlaması zamanı deyib.
“Dünən isə erməni lobbisinin tərəfdarı və təsirində olan bəzi korrupsioner Avropa siyasətçiləri də bu teatr xarakteri daşıyan dramın tərkib hissəsi olaraq Azərbaycan sərhədinə doğru gəliblər. Bu kimi addımların heç bir mənası yoxdur və bu kimi ucuz şou xarakterli addımlardansa real məsələləri yerində həll etmək lazımdır”, - o əlavə edib.
.