Azərbaycan İranla iqtisadi-ticarət əlaqələrini genişləndirməyə önəm verir.
Bunu Azərbaycan Prezidentinin köməkçisi - Azərbaycan Prezident Administrasiyasının Xarici siyasət məsələləri şöbəsinin müdiri Hikmət Hacıyev Brüsseldə “EU Today"ə müsahibəsində deyib.
O, İranda Azərbaycan səfirliyində törədilən hücumla bağlı danışıb.
Hikmət Hacıyev xatırladıb ki, hücumu törədən şəxs İran qanunlarına əsasən mühakimə olunub və Azərbaycan İranla münasibətlərdə bu səhifəni tamamilə çevirib.
Hikmət Hacıyev iki ölkə arasındakı münasibətləri normal və stabil qiymətləndirib, eyni zamanda, Azərbaycan Prezidenti İlham Əliyevlə onun iranlı həmkarı Məsud Pezeşkian arasında şəxsi münasibətin istiliyinə diqqət çəkib.
“Araz çayı üzərində Ağbənd-Kəlalə yol körpüsü vasitəsilə İran rəsmi Bakının geniş konnektivlik planlarında yerə alır. Bu layihənin strukturu 2025-ci ilin sonuna qədər yekunlaşacaq. Biz İranı qonşu, tərəfdaş kimi görürük və iqtisadi-ticarət əlaqələrimizi genişləndirməyə önəm veririk, - Hikmət Hacıyev qeyd edib.
.
