Rusiya Prezidenti Vladimir Putin Türkiyəyə səfər dəvətindən yararlanacaq, lakin yaxın gələcək üçün belə planlar yoxdur.

Bunu Kremlin mətbuat katibi Dmitri Peskov bildirib.

“Vladimir Putinin həqiqətən də Türkiyəyə səfər etmək üçün dəvəti var və o, bu dəvətdən mütləq istifadə edəcəyini deyib. Belə bir səfərin tarixi razılaşdırılacaq, lakin yaxın gələcək üçün heç bir razılaşma yoxdur", - Kremlin sözçüsü Rusiya prezidentinin Türkiyədə görüşə dəvət alıb-almaması ilə bağlı sualı cavablandırarkən deyib.

Qeyd edək ki, Türkiyənin KİV-ləri Putinin yaxın günlərdə Türkiyəyə səfərinin gözlənildiyi ilə bağlı məlumat yayıb.

.