Milli Məclisin deputatı Novruzəli Aslanov 30 iyul 2026-cı il tarixində İsmayıllı rayonunda seçicilərlə görüşüb.
Millət vəkili günün birinci yarısında İsmayıllı Uşaq və Ailələrə Dəstək Mərkəzində keçirilən “Dəyərlərimizi ötürək” adlı tədbirdə iştirak edib. Günün ikinci yarısında isə Novruzəli Aslanov rayonun iki kəndində - Xəlilli və Eyubbəyli kəndlərində sakinləri qəbul edib. Xəlilli kəndində keçirilən görüşdə yaxınlıqda yerləşən Külüllü kəndinin sakinləri də qatılıblar.
Qəbulun gedişində vətəndaşları narahat edən sosial yönümlü məsələlər və şəxsi müraciətlər müzakirə olunub. Millət vəkili sakinlər tərəfindən qaldırılan sosial yönümlü məsələləri və şəxsi müraciətləri qeydə alıb və onların həlli məqsədilə müvafiq addımların atılacağını bildirib.
Deputat Novruzəli Aslanovun keçirdiyi qəbulda iştirak edən Xəlilli, Eyubbəyli və Külüllü kənd sakinləri, eləcə də rayon ictimaiyyətinin nümayəndələri cənab Prezident İlham Əliyevə və Birinci vitse-prezident Mehriban xanım Əliyevaya İsmayıllı rayonuna göstərilən diqqət və qayğıya görə minnətdarlıqlarını bildiriblər.

.