Millət vəkili Novruz Aslanov iyul ayının 13-də İsmayıllı rayonunun Ağbulaq və Qoşakənd kəndlərində seçicilərin səyyar qəbulunu keçirib. Öncə Qoşakənd kəndində icra nümayəndəliyinin ofisində sakinlərin qəbulu təşkil edilib. Sonra Ağbulaq kəndində orta məktəb binasında seçicilər qəbul edilib. Əsasən şəxsi məişət problemləri və sosial müdafiə məsələləri ilə bağlı müraciətlər edilib. Digər mövzular ətrafında da müzakirələr aparılıb. Bəzi məsələlər operativ surətdə yerində həllini tapıb.
Əlaqədar qurumlara aid olan məsələlər qeydiyyata alınaraq həlli istiqamətində müvafiq müraciətlərin ediləcəyi sakinlərin diqqətinə çatdırılıb.
