ABŞ prezidenti Donald Tramp və İran münaqişəni daha da genişləndirmək hədələri səsləndirərək Körfəz bölgəsində enerji və yanacaq obyektlərini hədəf ala biləcəklərini bildiriblər.
Reuters yazır ki, bu məsələ qlobal enerji və maliyyə bazarlarında yenidən ciddi dalğalanmalara səbəb ola və regional böhranı daha da dərinləşdirə bilər.
Tramp bəyan edib ki, əgər Tehran 48 saat ərzində Hörmüz boğazını tam şəkildə yenidən açmasa, İranın elektrik stansiyalarını “tamamilə məhv edəcək”. Müharibə artıq dördüncü həftəsinə daxil olub.
İran isə bu gün xəbərdarlıq edib ki, Tramp bu hədəsini həyata keçirərsə, ABŞ-ın Körfəzdə yerləşən infrastrukturlarını, o cümlədən enerji obyektlərini hədəfə alacaq. Bu açıqlama ABŞ dəniz piyadalarının və ağır desant vasitələrinin bölgəyə doğru hərəkət etdiyi bir vaxtda səsləndirilib.
Fevralın 28-də ABŞ və İsrailin başladığı müharibə zamanı 2,000-dən çox insan həlak olub. Bu qarşıdurma qlobal bazarları sarsıdıb, yanacaq qiymətlərinin artmasına səbəb olub, inflyasiya qorxularını gücləndirib və Qərb ittifaqında gərginlik yaradıb.
.
