Ürək ritminin süni tənzimləyicisi qoyulduğu hallarda ürək qüsurları və ya miokardda baş vermiş dərin dəyişikliklər orqanizmin funksiyalarının 80 faizinin pozulması kimi qiymətləndiriləcək və müddətsiz əlillik təyin ediləcək.
APA-nın xəbərinə görə, bu, Nazirlər Kabinetinin qərarı ilə “Əlilliyin müəyyən olunması meyarları”na əlavə edilən yeni yarımbəndlərdə əksini tapıb.
Əlilliyin müəyyən olunması meyarlarına ürəklə əlaqədar yeni əlavə edilən xəstəliklər aşağıdakılardır:
- ürək ritminin süni tənzimləyicisi qoyulduğu hallarda -orqanizm funksiyasının 50 % pozulması kimi qiymətləndirilərək müddətsiz əllik təyin ediləcək;
-miokardda yad cismin olması -orqanizmin funksiyalarının 80 faizinin pozulması kimi qiymətləndiriləcək və müddətsiz əlillik təyin ediləcək;
-18 yaşınadək şəxslərdə XÜÇ I mərhələ və ya cüzi hipoksemiya ilə fəsadlaşmış anadangəlmə qüsurlar- orqanizm funksiyasının 50 % pozulması kimi qiymətləndirilərək 2 illik əlillik təyin ediləcək;
-18 yaşınadək şəxslərdə XÜÇ II mərhələ və ya nəzərəçarpan hipoksemiya ilə fəsadlaşmış anadangəlmə qüsurlar- orqanizm funksiyasının 70 % pozulması kimi qiymətləndirilərək 2 illik əlillik təyin ediləcək;
-18 yaşınadək şəxslərdə XÜÇ III mərhələ və ya əhəmiyyətli dərəcədə nəzərəçarpan hipoksemiya ilə fəsadlaşmış anadangəlmə qüsurlar-orqanizm funksiyasının 90% pozulması kimi qiymətləndirilərək 2 illik əlillik təyin ediləcək.
Dilin olmaması zamanı müddətsiz əlillik təyin ediləcək
Dilin olmaması orqanizmin funksiyalarının 65 % pozulması sayılacaq və buna görə müddətsiz əlillik təyin ediləcək.
Bu, Nazirlər Kabinetinin qərarı ilə “Əlilliyin müəyyən olunması meyarları”na əlavə edilən yeni yarımbəndlərdə əksini tapıb.
Qərara əsasən, əlilliklə əlaqədar yeni ağız boşluğu, ağız suyu vəziləri və çənə xəstəliklərinin adları məlum olub, bunlar aşağıdakılardır:
-16 yaşınadək şəxslərdə cərrahi əməliyyatdan sonra uzun- müddətli sağalma və reabilitasiya müalicəsi tələb olunan hallar 2 il müddətində orqanizmin funksiyalarının 40 faizinin pozulması kimi qiymətləndiriləcək;
-ileostoma və olması 1 il müddətində orqanizmin funksiyalarının 80 faizinin pozulması kimi qiymətləndiriləcək;
-bərpası mümkün olmayan (imkansız) ileostoma və ya kolostomanın olmasımüddətsiz olaraq orqanizmin funksiyalarının 80 faizinin pozulması kimi qiymətləndiriləcək;
-anal sfinkterin dərəcə 2 il müddətində orqanizmin funksiyalarının 80 faizinin pozulması kimi qiymətləndiriləcək;
- fistulun mövcudluğu 1 il müddətində orqanizmin funksiyalarının 50 faizinin pozulması kimi qiymətləndiriləcək;
- bərpası mümkün olmayan və ya cərrahi müalicəsinə tibbi əks-göstəriş olan fistulun mövcudluğu müddətsiz olaraq orqanizmin funksiyalarının 65 faizinin pozulması kimi qiymətləndiriləcək.
Əlilliklə əlaqədar yeni ağciyər xəstəlikləri müəyyənləşdirilib
Bir ağciyərin olmaması müddətsiz olaraq orqanizmin funksiyalarının 50 faiz pozulması kimi qiymətləndiriləcək.
Bu, Nazirlər Kabinetinin qərarı ilə “Əlilliyin müəyyən olunması meyarları”na əlavə edilən yeni yarımbəndlərdə əksini tapıb.
Tənəffüs orqanlarının funksiyasının əhəmiyyətli dərəcə pozuntusu (ağciyər sarkoidozu (və ya) limfa düyünləri sarkoidozu ilə III dərəcə ağciyər sarkoidozu, fəal mərhələ, II dərəcə tənəffüs çatışmazlığı ilə) 5 il müddətində orqanizmin funksiyalarının 65-80 faiz pozulması, IIB-III dərəcə xroniki tənəffüs çatışmazlığı ilə müşayiət olunan tənəffüs orqanlarının vərəminin və dəqiqləşdirilməmiş vərəmin gecikmiş fəsadları (bronxoektaziya, fibroz, fibrozlu-ocaqlı, bulloz distrofik, kalsinatlar, plevropnevmoskleroz, sirroz, cərrahi müdaxilə nəticələri) 2 il müddətində orqanizmin funksiyalarının 65-80 faiz pozulması sayılacaq.
.
