Müstəqil Dövlətlər Birliyinin (MDB) Antiterror Mərkəzi "İslam dövləti” terror qruplaşması kimi beynəlxalq terror təşkilatları tərəfindən Birlik ölkələrinə qarşı artan təhlükə ilə mübarizə istiqamətində bir sıra təşəbbüslər irəli sürüb.
"RİA Novosti”in verdiyi xəbərə görə, bunu MDB Antiterror Mərkəzinin rəhbəri Andrey Novikov deyib.
"İslam dövləti” terror qruplaşmasının ərazi iddiaları Azərbaycan, Ermənistan, Qazaxıstan, Qırğızıstan, Özbəkistan, habelə Rusiyanın Krım, Şimali Qafqaz və Cənub federal dairələrinə daxil olan əraziləri əhatə edir”, - deyə Novikov bildirib.
Onun sözlərinə görə, mübarizə tədbirlərinə ilk növbədə MDB ölkələrinin xüsusi xidmət orqanlarının internetdə "İŞİD”in təsirinin yayılmasının qarşısını almaq daxildir. "Bu problemin həlli yollarından biri təxribatı vaxtında müəyyən edib qarşısını almaqdır. Digər qabaqlayıcı tədbirlər hərbi əməliyyatlar aparılan bölgələrə gedən vətəndaşların gediş--gəliş kanallara nəzarətin gücləndirilməsi ilə bağlıdır”, - deyə Novikov qeyd edib.
.
