Rusiya Federasiyasının Silahlı Qüvvələrinin Odessa limanına zərbəsi İstanbul razılaşmasına uyğun olaraq taxıl daşınmasının başlamasına mane ola bilməz.

TASS xəbər verir ki, bunu Kremlin mətbuat katibi Dmitri Peskov deyib.

Kreml sözçüsü bildirib ki, zərbə hərbi infrastruktura endirilib: “Bu, heç bir halda razılaşma ilə əlaqəli infrastrukturlarla əlaqəli deyil. Buna görə bu hadisə heç bir halda taxıl daşınmalarına mane ola bilməz”.

Peskovun sözlərinə görə, BMT razılaşmanın özünə aid hissəsini yerinə yetirməlidir.

O vurğulayıb ki, razılığın əldə edilməsi üçün Moskva tərəfdən də böyük iş görülüb.
 

.