Daxili İşlər Nazirliyinin tərkibində yaradılan Əcnəbilərin Vətəndaşlıq və Qeydiyyatı Xidməti Rusiyada miqrasiya proseslərini sadələşdirməyə və qeyri-qanuni fəaliyyətləri azaltmağa kömək edəcək.
Bunu Rusiya prezidentinin mətbuat katibi Dmitri Peskov bu gün keçirdiyi brifinqdə bildirib.
Onun sözlərinə görə, bu, miqrasiya prosesləri ilə bağlı məsələləri daha effektiv həll etməyə və bu işin dinamikasını artırmağa, qurumlar arasında koordinasiyanı yaxşılaşdırmağa imkan verir.
"Əlbəttə ki, əsas vəzifə miqrasiya proseslərini sadələşdirmək və Rusiya qanunlarını həyata keçirmək, qeyri-qanuni fəaliyyəti azaltmaqdır", - Kreml sözçüsü vurğulayıb.
Qeyd edək ki, Rusiyada miqrantlarla bağlı yeni dövlət xidməti yaradılıb. Prezident Vladimir Putinin fərmanına əsasən Daxili İşlər Nazirliyinin tərkibində Vətəndaşlıq və Xarici Vətəndaşların Qeydiyyatı Xidmətinin yaradılıb. Baş prokurorun müavini Andrey Kikot daxili işlər nazirinin birinci müavini və Əcnəbilərin Qeydiyyatı Xidmətinin rəisi təyin edilib.
.
