Kolumbiyanın qərbində naməlum cinayətkar qruplaşmanın üzvləri tərəfindən 5 nəfər öldürülüb.
TASS xəbər verir ki, bu barədə məlumatı yerli “La FM” radiosu yayıb.
Hadisə Kauka departamentinin Buenos-Ayres bələdiyyəsində baş verib.
Naməlum şəxslər insanların sıx toplaşdığı xoruz döyüşü keçirilən əraziyə əvvəlcə əl qumbarası atıblar, sonra isə kütləni atəşə tutublar.
İlkin məlumata görə, azı 5 nəfər yerindəcə ölüb.
Həmin ərazidə cinayətkar qruplaşmaların fəal olduğu bildirilir.
Hadisə ilə bağlı istintaq başladılıb.
