Avropa İttifaqının (Aİ) 19 üzv dövləti dəstək almaq üçün təşkilatın müdafiəsini gücləndirmək məqsədi daşıyan SAFE (birgə müdafiə investisiya proqramı-müəl.) proqramına müraciət edib.
Bu barədə Avropa Komissiyasının Prezidenti Ursula fon der Lyayen "X"də yazıb.
"Məmnuniyyətlə elan edirəm ki, SAFE-ə tam şəkildə abunə olunub. Bu, ümumilikdə, 150 milyard avro deməkdir və Avropanın uğurudur".
Xatırladaq ki, 150 milyard avro dəyəri olan SAFE proqramı üzv ölkələrin Aİ-nin mərkəzi büdcəsi tərəfindən dəstəklənən daha ucuz kredit əldə etməsini təmin etmək məqsədi daşıyır.
Bu proqramın vəsaitlərini Aİ ölkələri silah, hərbi texnika və sursat alınması ilə yanaşı, kiber təhlükəsizlik sistemlərinin və strateji malların tədarük zəncirlərinin yaradılması üçün də istifadə edə bilərlər. Bütün layihələr Avropa İttifaqının hərbi potensialının artırılmasına yönəlməlidir.
.
