Yenizaman.az xarici KİV-ə istinadən xəbər verir ki, İŞİD suriyalı bir cavanı Deyr Əz-Zur şəhərində edam edib. Terror qruplaşması bu dəfə də "Allaha hörmətsizlik” ittihamı ilə öz qurbanının başına odlu silahdan atəş açaraq onu qətlə yetirib.
Bu gülünc ittiham dəfələrlə dinc sakinlərə qarşı İŞİD tərəfindən irəli sürülüb. Amma heç zaman bu ittiham sübuta yetirilmir.
Dey əz-Zur vilayətinin böyük bir hissəsi bir ildən çoxdur ki, İŞİD-in nəzarəti altındadır. Bu şəhərdə əhalinin yaşadığı yerlərdə məskunlaşan İŞİD qruplaşmasını hədəfə almaq hər zaman mümkün olmur. Suriya qırıcıları bu məntəqələri bombalayacağı təqdirdə çox sayda dinc sakin də həlak ola bilər. Bu səbəbdən də uyğun şəhərdə əməliyyatlar keçirmək olduqca çətindir.
