İŞİD terror qruplaşması ötən gün günorta saatlarında Misir respublikasına aid hərbi gəmini qumbaraatanla vurub. Hadisə Misirin Qəzza sərhəddinə yaxın ərazidə baş verib. Terror hasdisəsinin məsuliyyətini İŞİD-in Misirdəki təmsilçisi Sinay qruplaşması öz üzərinə götürüb. Sinay yarımadasının şimalında baş vermiş hadisə barədə İŞİD terrorçularına aid sosial şəbəkədə foto paylaşılıb. Fotoya yazılan şərhdə isə Misirə aid gəminin məhv edildiyi bildirilib.

Bir müddət əvvəl faktla bağlı açıqlama verən Misir hərbi rəsmiləri isə terrorçularla baş vermiş insident zamanı gəmidə yanğın baş verdiyini bildirmişdilər.

Ordu rəsmiləri həmçinin Misirin şimal şərqindəki Sinayda keçirilən hərbi əməliyyatda 22 terrorçunun məhv edildiyini bildirmişdi. Ordu sözçüsü general Məhəmməd Səmir verdiyi yazılı bəyanatda silahlı qüvvələrin Şeyx Zuveyd şəhərində terrorçulara qarşı uğurlu əməliyyat keçirdiyini bildirmişdi.

Qeyd edək ki, bir müddət əvvəl İŞİD növbəti hədəfinin Misirin Qahirə və Qizə şəhərləri olduğunu bildirmişdi. Terror təşkilatı bu şəhərlərdə "Allaha qarşı olmaq” mənasını verdiyini bəhanə etdiyi piramidaları və böyük Sfinks heykəlinin məhv edəcəyini açıqlamışdı. (anspress.com)





.