Gürcüstanın Şovi dağlıq kurort zonasında torpaq sürüşməsi nəticəsində ölənlərin sayı 27 nəfərə çatıb.
Bu barədə ölkənin Daxili İşlər Nazirliyi məlumat yayıb.
Məlumatda deyilir ki, hazırda həmin ərazidə xilasedicilər 6 nəfər itkin düşmüş şəxsin axtarışlarını davam etdirir.
Xatırladaq ki, avqustun 3-də Gürcüstanın Oni bələdiyyəsindəki Şovi kurort zonasının yaxınlığında torpaq sürüşməsi baş verib.
.
