Gürcüstan ərazisi vasitəsilə 1 000 Azərbaycan vətəndaşının təxliyəsi həyata keçirilib.
"Report"un yerli bürosu xəbər verir ki, bu barədə Azərbaycanın Gürcüstandakı səfirliyinin I katibi Ramel Lətifov jurnalistlərə açıqlamasında bildirib.
Onun sözlərinə görə, 400 vətəndaş Türkiyə, 600-ü isə Gürcüstandan Vətənə çatdırılıb.
R.Lətifov deyib ki, təxliyə olunanların heç birində koronavirus aşkarlanmayıb.
O, Azərbaycan vətəndaşlarının Gürcüstan vasitəsilə təxliyə prosesinin davam etdiriləcəyini qeyd edib.
