Gürcüstan-Rusiya sərhədində yerləşən Yuxarı Lars sərhəd-keçid məntəqəsində Ermənistana məxsus 500-ə qədər yük maşını qalıb.
Hər ötən gün ərazidə daha 10-15 yük maşını artır.
Ermənistanın Yuxarı Lars sərhəd-keçid məntəqəsindəki gömrük attaşesi Aram Tananyanın sözlərinə görə, Gürcüstan və Rusiya tərəfdən ümumilikdə, 2000-ə qədər yük maşını ərazidə toplanıb.
Yük maşınlarının hərəkətində problemin yaranması güclü qar və borana görə baş verib. Yolda hərəkətin yaxın 3-4 gün ərzində bərpasının mümkün olmayacağı bildirilir.
.
