Ermənistan silahlı qüvvələri bölmələrinin Basarkeçər rayonunun Zod yaşayış məntəqəsi istiqamətində yerləşən mövqelərindən açılan atəş nəticəsində Azərbaycan Ordusunun hərbi qulluqçusu Tağıyev Məhəmməd Ramiz oğlu yaralanıb.
Bu barədə Azərbaycan Müdafiə Nazirliyi (MN) məlumat yayıb.
"Qarşı tərəfin təxribatı nəticəsində yaralanan hərbi qulluqçumuza dərhal ilkin tibbi yardım göstərilib və o, hərbi tibb müəssisəsinə təxliyə edilib.
Hazırda qeyd olunan istiqamətdə mövqelərimizin atəşə tutulması davam edir. Bölmələrimiz tərəfindən cavab tədbirləri görülür.
Bildiririk ki, Ermənistan tərəfinin törətdiyi təxribatın nəticələrinə görə bütün məsuliyyət məhz bu ölkənin hərbi-siyasi rəhbərliyinin üzərinə düşür", MN-in məlumatında deyilir.
MN: Ermənistan silahlı qüvvələri mövqelərimizi atəşə tutulmaqda davam edir
Hazırda Ermənistan silahlı qüvvələri tərəfindən Basarkeçər rayonunun Zod yaşayış məntəqəsi istiqamətində mövqelərimizin atəşə tutulması davam edir.
Bu barədə Müdafiə Nazirliyinin yaydığı məlumatda deyilir.
Bildirilib ki, bölmələrimiz tərəfindən cavab tədbirləri görülür:
"Bildiririk ki, Ermənistan tərəfinin törətdiyi təxribatın nəticələrinə görə bütün məsuliyyət məhz bu ölkənin hərbi-siyasi rəhbərliyinin üzərinə düşür"- məlumatda deyilir.
.
