Ermənistan məhkəməsi keçmiş müdafiə naziri David Tonoyanın həbsinə dair qərar verib.

Məsələyə Kentron və Nork-Maraş rayonlarının ümumi yurisdiksiyasında baxılıb.

Məhkəmə keçmiş nazirin iki aylıq həbsinə qərar verib.

Tonoyanın vəkili Sergey Ovannisyan qeyd edib ki, D.Tonoyan özünü təqsirli bilmir və bununla bağlı məhkəmədə ifadə və izahat verib.

Ovannisyan qərardan apellyasiya şikayəti veriləcəyini bildirib.

S.Ovannisyan əlavə edib ki, məhkəmənin qərarı ilə hələ tam tanış deyil, ancaq həbsə dair vəsatət müstəntiqin təqdim etdiyi iki bənd əsasında təmin olunub. Bunlardan biri azadlığa buraxılacağı təqdirdə istintaqa mane olmaq, digəri istintaqdan gizlənmək idi.

D.Tonoyan xüsusilə külli miqdarda mənimsəmədə (2 277 323 840 dram - 4,5 mln. dollar) təqsirləndirilir.

.