Misirin paytaxtı Qahirədə Baş Katibliyin qərargahındakı daimi nümayəndələr səviyyəsində Ərəb Dövlətləri Liqası (ƏDL) Şurasının 149-cu sessiyası başlayıb.
"Report" KUNA agentliyinə istinadən xəbər verir ki, görüşün gündəliyindəki əsas məsələ nazirlər səviyyəsində ƏDL Şurasının iclasına hazırlıqdır.
Sessiya çərçivəsində Fələstin problemi, Ərəb-İsrail münaqişəsi, Ərəb Sülh Təşəbbüsünün təşviqi, Suriya, Liviya, Yəmən, Sudan və Somalidəki vəziyyət, eləcə də qaçqınlarla bağlı vəziyyətin və başqa məsələlərin müzakirə olunacağı planlaşdırılır.
Ərəb-Afrika, Ərəb-Avropa münasibətlərinin inkişafı, Ərəb-Rus Forumunun keçirilməsi, Azərbaycan və Mərkəzi Asiya ilə, eləcə də Çin, Hindistan və Yaponiya ilə əməkdaşlığın möhkəmləndirilməsi məsələlərinin müzakirə olunacağı nəzərədə tutulur.
.
