Son illər ərzində kiberhücumların sayında yüksək intensivlik müşahidə olunub.

Bunu 2-ci “Beynəlxalq Kibertəhlükəsizlik Günü”nə həsr olunan "Kibertəhlükəsiz iqtisadiyyatlar: innovativ yanaşma və həllər" adlı tədbirdə çıxış edərkən, Xüsusi Rabitə və İnformasiya Təhlükəsizliyi Dövlət Xidmətinin rəis müavini Azər Əhədov deyib.

Onun sözlərinə görə, son illər pandemiyanın gətirdiyi çətinlikllər, uzaqdan iş rejimi ilə bağlı yeniliklər, eləcə də müharibə və antiterror əməliyyatları dönəmində informasiya təhlükəsizliyi ən aktual mövzulardan olub.

"Hücumların intensivliyi xüsusən informasiya sistemlərinə hədəflənən və təşkilatlanan kiberhücumlar daha qabarıq şəkildə özünü göstərib. Lakin Xidmətimizin mütəxəssislərinin fasiləsiz fəaliyyəti nəticəsində, dövlət qurumları eləcə də dövlət qurumların informasiya resurslarından istifadə edən vətəndaşların informasiya təhlükəsizliyinin təmin olunması biz tərəfdən təmin edilib",- deyə Azər Əhədov qeyd edib.

.