Azərbaycanın Birləşmiş Ərəb Əmirliklərindəki səfiri Daşqın Şikarov ədliyyə naziri Sultan Bin Səid əl Badi ilə görüşüb.
Yenizaman.az-a Azərbaycanın BƏƏ-dəki səfirliyindən bildirilib ki, əsasları ümummilli lider Heydər Əliyev və BƏƏ-nin birinci Prezidenti Şeyx Zahid əl Nəhyan tərəfindən qoyulmuş ikitərəfli Azərbaycan–BƏƏ münasibətlərin həyatın bir çox sahələrində sürətlə inkişaf etdiyi vurğulanıb. Son illərdə iki ölkə xalqları arasında təmasların genişlənməsi, Azərbaycana səfər edən BƏƏ vətəndaşları sayının ildən ilə artması əməkdaşlığa yeni dinamika verdiyi qeyd olunub. Görüş zamanı İki ölkə arasında ədliyyə sahəsində əməkdaşlıq məsələləri, bu sahəyə aid hüquq müqavilə bazası müzakirə edilib.
Daha sonra Səfir D.Şikarov Azərbaycanda gedən siyasi və iqtisadi proseslər, Prezident cənab İlham Əliyevin rəhbərliyi ilə ölkəmizdə həyata keçirilən genişmiqyaslı layihələr, 11 aprel 2018-ci ildə keçiriləcək Prezident seçkiləri, Azərbaycan vətəndaşlarının hüquqlarının müdafiəsində duran məhkəmə sistemi barəsində Ədliyyə naziri cənab naziri Sultan Bin Səid əl Badiyə məlumat verib.
Görüşdə iki ölkə arasında ədliyyə sahəsində əməkdaşlıq məsələlərini müzakirə olunub, Azərbaycan-BƏƏ arasında hüquq və məhkəmə sahəsində əməkdaşlıq haqqında sazişin imzalandığı və müvafiq ratifikasiya instrumentinin mübadiləsinə dair protokolun mövcud olduğu vurğulanıb. Birləşmiş Ərəb Əmirliklərinin ədliyyə naziri Sultan Bin Səid əl Badi iki ölkə arasında mövcud olan əlaqələrdən məmnun olduğunu qeyd edərək, bu əlaqələrin daha da inkişaf etdirilməsində ölkəsinin maraqlı olduğunu bildirib.
BƏƏ-nin ədliyyə naziri S.Bin Səid əl Badi ölkəsinin Azərbaycan ilə xüsusi münasibətlərdə olduğunu vurğulayaraq, ölkəsində cərəyan edən proseslərdən, BƏƏ-nin ədliyyə sistemi barəsində danışıb. Nazir Azərbaycan tərəf müqabilləri ilə ədliyyə sahəsində əməkdaşlığın inkişaf etdirilməsində maraqlı olduğunu qeyd edib.
.
