Bu gün DÇ-2022-nin daha bir qrupunda mübarizəyə start verilib.
D qrupunun ilk oyununda Avropa və Afrika təmsilçilərinin dueli baş tutub.
Üçüncü oyun gününə təsadüf edən qarşılaşmada Danimarka və Tunis üz-üzə gəlib. Son vaxtlar yüksəlişdə olan şimallılar görüşün favoriti sayılsa da, rəqibin müqavimətini qıra bilməyib. Mundiallarda heç vaxt qrupdan çıxa bilməyən afrikalılar bu dəfə yarışa uğurlu nəticə ilə başlayıb. Görüş qolsuz bərabərə yekunlaşıb.
Qeyd edək ki, qrupun bu gün baş tutacaq digər matçında Fransa və Avstraliya qarşılaşacaq. Bu oyun Bakı vaxtı ilə saat 23:00-da başlayacaq.
DÇ-2022, qrup mərhələsi
22 noyabr
D qrupu
17:00. Danimarka - Tunis - 0:0
