Heç bir ölkə Çini sıxışdıra biləcəyini və eyni zamanda Çinlə yaxşı münasibət saxlaya biləcəyini xəyal etməməlidir.
Bunu Çinin xarici işlər naziri Van İ ölkənin illik parlament iclası çərçivəsində keçirdiyi mətbuat konfransında deyib.
"Bu cür ikiüzlü hərəkətlər ikitərəfli münasibətlərin sabitliyi və ya qarşılıqlı etimadın qurulması üçün yaxşı deyil”, - nazir qeyd edib.
Qeyd edək ki, ABŞ Prezidenti Donald Trampın yanvar ayında vəzifəyə qayıtmasından sonra iki ölkə yenidən cavab rüsumları tətbiq etməyə başlayıb. ABŞ bütün Çin idxalının 20%-nə bərabər tariflər tətbiq edib. Pekin isə toyuq, donuz əti, soya və mal əti də daxil olmaqla ABŞ idxalına əlavə 15% rüsum tətbiq edib.
.
