BMT-nin Ukrayna üzrə koordinatoru Amin Avad dinc əhalinin evakuasiyası üçün Mariupolda hərbi əməliyyatları təcili dayandırmağa çağırıb.
“RİA Novosti” agentliyi verdiyi məlumata görə, A. Avad Mariupolda qadınlar, uşaqlar və yaşlılar da daxil olmaqla, on minlərlə insanın olduğunu bildirib.
BMT rəsmisi qeyd edib ki, insanların həyatlarını xilas etmək üçün hazırda əməliyyatları dayandırmaq vacibdir: “Biz nə qədər çox gözləyəcəyik, daha çox insan həyatı təhlükə ilə üzləşəcək. Onlara indi, bu gün evakuasiya üçün icazə vermək lazımdır. Sabah çox gec ola bilər ”.
.
