Fransa Milli Futbol çempionatı (Liq 1) koronavirus pandemiyası səbəbindən bərpa olunmayacaq.
“France Football” jurnalı verdiyi məlumata görə, Fransanın Baş Naziri Eduard Filipp bildirib ki, 5000 nəfərdən çox insanın qatıldığı idman yarışları sentyabra qədər keçirilə bilməz. Baş Nazir bu baxımdan 2019-2020-ci il futbol mövsümünün də bərpa olunmayacağını deyib.
Qeyd edək ki, UEFA milli çempionatların avqustun 2-dək bitirilməsini tövsiyə edib.
Futbol üzrə Fransa çempionatı 28 turdan sonra dayandırılıb. Çempionatda 38 oyun keçirilməlidir.
Son məlumata görə, Fransada indiyədək 165 mindən çox insan koronavirusa (COVID-19) yoluxub, 23 mindən soç insan pandemiyanın qurbanı olub.
.
