Bakıda oğul atasını yandıraraq öldürüb.
"Report”un xəbərinə görə, hadisə Sabunçu rayonu, Maştağa qəsəbəsində qeydə alınıb.
Belə ki, qəsəbə sakini 31 yaşlı İlyas Mehdiiyev 1936-ci il təvəllüdlü İmdad Mehdiyevin üzərinə benzin tökərək onu və yaşadığı evi yandırıb.
Hüquq-mühafizə orqanları faktla bağlı araşdırma aparır.
***
09:10
Bakıda yanğın faktı qeydə alınıb.
AzNews.az Fövqəladə Hallar Nazirliyinin saytına istinadən xəbər verir ki, Sabunçu rayonunda vətəndaşa məxsus ümumi sahəsi 120 m² olan kürsülü, birmərtəbəli 5 otağlı evin 4 otağının yanar konstruksiyaları və ev əşyaları 100 m² sahədə yanıb.
Yanğının kəşfiyyatı zamanı 1936-cı il təvəllüdlü İmdad Mehdi oğlu Mehdiyevin yanan cəsədi aşkar olunub.
Evin qalan hissəsi yanğından mühafizə olunub.
Yanğın saat 4:33-də yanğınsöndürənlər tərəfindən söndürülüb.
