2021-ci ilin yanvar-fevral aylarında əsas kapitala 1 milyard 338,4 milyon manat məbləğində vəsait yönəlib.
Dövlət Statistika Komitəsinin verdiyi məlumata əsasən, bu vəsait 2020-ci ilin müvafiq dövrü ilə müqayisədə 32 faiz azalıb.
Təkcə fevral ayında əsas kapitala təxminən 614,4 milyon manat vəsait yönəldilib.
Bildirilib ki, neft-qaz sektoruna yatırılmış investisiyaların həcmi 13,5 faiz, qeyri neft-qaz sektoruna yönəldilən vəsaitin həcmi 49 faiz azalıb.
İstifadə olunmuş vəsaitin 1 milyard 71,2 milyon manatı və ya 80 faizi məhsul istehsalı sahələrinə, 146,8 milyon manatı (11 faizi) xidmət sahələrinə, 120,4 milyon manatı (9 faizi) isə yaşayış evlərinin tikintisinə sərf olunub.
Əsas kapitala yönəldilmiş vəsaitlərin 678,4 milyon manatını və ya 50,7 faizini daxili vəsaitlər təşkil edib. Əsas kapitala yönəldilmiş vəsaitlərin 1 milyard 143,1 milyon manatı və ya 85,4 faizi bilavasitə tikinti-quraşdırma işlərinin yerinə yetirilməsinə sərf olunub.
Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 74 faiz, bank kreditləri 9,7 faiz, əhalinin şəxsi vəsaitləri 9,1 faiz, sair vəsaitlər 3,8 faiz, büdcə vəsaitləri isə 3,4 faiz təşkil edib.
.
