Bu ilin yanvar-iyul aylarında əsas kapitala 7,059 mlrd. manat məbləğində, yaxud 2020-ci ilin müvafiq dövrü ilə müqayisədə 12,1% az vəsait yönəldilmişdi.
Dövlət Statistika Komitəsi verdiyi məlumata görə, neft-qaz sektoruna yatırılmış investisiyaların həcmi 10,4%, qeyri neft-qaz sektoruna yönəldilən vəsaitin həcmi 13,4% azalıb.
İstifadə olunmuş vəsaitin 4,883 mlrd. manatı və ya 69,2%-i məhsul istehsalı sahələrinə, 1,639 mlrd. manatı (23,2%-i) xidmət sahələrinə, 537,3 mln. manatı (7,6%-i) isə yaşayış evlərinin tikintisinə sərf olunub.
Qeyd edək ki, əsas kapitala yönəldilmiş vəsaitlərin 4,463 mlrd. manatını və ya 63,2%-ini daxili vəsaitlər təşkil edib. Əsas kapitala yönəldilmiş vəsaitlərin 4,797 mlrd. manatı və ya 68%-i bilavasitə tikinti-quraşdırma işlərinin yerinə yetirilməsinə sərf olunub.
Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 60,3%, büdcə vəsaitləri 19,6%, bank kreditləri 6%, əhalinin şəxsi vəsaitləri 7%, sair vəsaitlər isə 7,1% təşkil edib.
.
