Almaniyanın "Bavariya" klubunun sabiq futbolçusu Aryen Robben karyerasını Braziliyanın "Botafoqo" komandasında bərpa edə bilər.
"Report"un məlumatına görə, bu barədə Braziliya təmsilçisinin vitse-prezidenti Rikardo Rotenberq "Globoesporte.globo.com" saytına açıqlama verib.
Funksioner 35 yaşlı yarımmüdafiəçi ilə danışıqlar apardıqlarını təsdiqləyib. O, Robbeni əla futbolçu adlandırıb: "Əlbəttə risk var, çünki uzun müddət oynamayıb. Lakin çalışdım, klubumuzun onunla maraqlandığını bildikdə mənə cavab verdi. Özü də bizdə oynamaqda maralıdıir".
Qeyd edək ki. Aryen Robben 2019-cu ilin yayında karyerasını bitirdiyini açıqlayıb. O, “Bavariya”dan başqa, Hollandiyanın “Qroningen”, PSV, eləcə də İngiltərənin “Çelsi” və İspaniyanın “Real Madrid” klublarının formasını geyinib. Robben Hollandiya millisində 97 oyuna 39 qol vurub.
.
