"Biz vəziyyətə nikbin baxırıq, atəşkəs pozuntuları getdikcə azalır".
"Anadolu" agentliyi verdiyi xəbərə görə, bunu Türkiyənin milli müdafiə naziri Hulusi Akar media təmsilçiləri ilə görüşündə deyib.
Azərbaycanla hərbi əməkdaşlığın davam etdiyini bildirən nazir ötən ilin yanvarın 30-dan etibarən atəşkəsə nəzarət üçün Rusiya ilə ortaq mərkəz yaradıldığını xatırladıb. Orada atəşkəs pozuntularının nəzarət altına alındığını qeyd edən Hulusi Akar bunları deyib: "Vəziyyətə nikbin baxırıq. Atəşkəs pozuntuları getdikcə azalır. Sabitlik daha əhatəli olur. Ümid edirik ki, qarşıdakı günlərdə çox daha stabil vəziyyət yaranacaq. Burada Türkiyə-Rusiya əməkdaşlığının uğurlu olduğunu, atəşkəsin davamlılığına töhfə verdiyimizi görürük".
Ərazilərin mina və digər partlayıcı sursatlardan təmizlənməsi üçün Azərbaycanla əməkdaşlıq etdiklərini qeyd edən Hulusi Akar, burada sülhün daimi olmasının həm Xəzər, həm də Qara dəniz regionunda müsbət təsirləri olacağını bildirib.
Türkiyənin müdafiə naziri: "Həmişəki kimi Qazaxıstanın yanındayıq"
"İnanırıq ki, Qazaxıstan, oradakı qardaşlarımız öz imkanları və qabiliyyətləri ilə bütün çətinliklərin öhdəsindən gələcək".
"Anadolu" agentliyi verdiyi xəbərə görə, bunu Türkiyənin milli müdafiə naziri Hulusi Akar media təmsilçiləri ilə görüşündə Qazaxıstandakı vəziyyətlə bağlı sualı cavablandırarkən bildirib.
"Dostumuz Qazaxıstanla tarixi mədəni əlaqələrimiz, hərbi və təhsil sahəsində əməkdaşlığımız da daxil olmaqla müsbət münasibətlərimiz var. Əməkdaşlığımız davam edir. Biz son hadisələri yaxından izləyirik. Qazaxıstan bizim mühüm müttəfiqimizdir. Qazaxıstanda sülh və əmin-amanlığın bərpası vacibdir. İnanırıq ki, Qazaxıstan, oradakı qardaşlarımız öz imkanları və qabiliyyətləri ilə bütün çətinliklərin öhdəsindən gələcək. Biz həmişə olduğu kimi bu gün də Qazaxıstanın yanındayıq.
